Marilao, Bulacan | Municipal Mayor
Municipal Mayor
Ricardo M. Silvestre | Mayor's Profile


Isinilang si Kgg. Ricardo "RS" Silvestre sa isang maralitang pamilya ng magsasaka at karpintero noong ika- 10 ng Enero, 1957 sa Sta. Maria, Bulacan. Nagtapos siya ng elementarya taong 1971 sa San Gabriel Elementary School at nag- aral naman ng sekundarya sa Sacred Heart Academy ng dalawang taon. Dahil sa kahirapan, sa edad na labing- apat na taong gulang ay nagsimula na siyang mag hanapbuhay. Nagtrabaho siya bilang all- around boy, magsasaka, maninibag ng bato, drayber, piyon, mason, kantero, karpintero, latero, tubero, pintor, electrician at foreman para makatulong sa pamilya.

Siya ngayon ay naninirahan sa Patubig kasama ang kanyang maybahay na si Maria Luisa Silvestre at biniyayaan sila ng apat na anak na sina Marissa, Ricardo Jr., Jackie Lou at Ma. Richella.

Determinado si RS sa lahat ng bagay na kanyang napupusuan dahil bukal sa loob niya ang pagtulong sa mga mahihirap at nangangailangan, kung kaya't siya ay naging Punong Barangay ng Patubig sa humigit kumulang labing- anim na taon.

Sa kabuuan ng kanyang pagiging Punong Barangay ay marami siyang nagawang kabutihan hindi lamang sa Barangay kundi sa buong Marilao. Sa kanyang unang taon bilang Kapitan ng Patubig ay naihalal syang Pangulo ng mga Punong Barangay sa buong Marilao taong 1994. Sa taon ring iyon, nanungkulan siya bilang Konsehal sa Marilao dahil sa posisyon niya bilang ABC President na tumagal ng labing- isang taon kung saan isinulong niya ang pagpapatatag at pagpapalawak sa basic social services.

At dahil sa kanyang galing sa pamumuno, sa kanyang ikalawang termino naman ay ginawaran ang Barangay ng Patubig bilang "Huwarang Barangay 1997" sa buong lalawigan ng Bulacan.

Ngunit hindi rito natatapos ang lahat, dahil sa kanyang taglay na kasipagan ay nakapagpagawa siya ng kaunaunahang sports complex sa Marilao na pinagdausan ng iba't- ibang uri ng pagbubuklod. Nagbigay rin siya ng scholarship sa maraming kabataan dahil ayon sa kanya'y naranasan niya ang hirap ng hindi nakapagtapos sa pag- aaral dahil sa kakapusan ng pera. Tumulong din siya sa mga may karamdaman dahil naranasan niya ang matulungan at pagmalasakitan ng ibang tao sa panahong wala siyang maipampagamot sa sarili niyang anak.

Kalusugan, edukasyon, baha, basura at pabahay. Ito ang limang proyekto na pinag tutuunang pansin ni RS mula noon magpahanggang ngayon para sa ikagiginhawa ng mga Marilenyo.